Баянхонгор аймгийн Баянбулаг сумын Хангал багт малчин Т сураггүй алга болжээ.
Тодруулбал, нутгийн “Зүүн даваа” гэдэг газар /аймгийн төвөөс баруун хойд зүгт 250 км, сумын төвөөс зүүн зүгт 24 км-т/ “Портер” загварын автомашинтай өчигдөр /2022.12.20/-ны 12.00 цагийн орчим алга болсон гэжээ. Тус малчин малаа оторлож яваад сураггүй болсон тухай мэдээлэл оройн 21.05 цагт Онцгой байдлын газарт ирсэн байна.
Дуудлагын дагуу тус сумын Засаг даргын Тамгын газрын ажилтнууд болон орон нутгийн иргэд эрэн хайжээ. Улмаар 36 настай Т-г эрэн хайх ажиллагааг 19.20-22.40 цаг хүртэл зохион байгуулсан аж.
Үр дүнд нь сумын төвөөс зүүн зүгт 18 км-т Хангал багийн “Жунцай” гэх газар малчин Э-ийн хаваржаанд малаа хотлуулсан байхад нь эсэн мэнд олж, ар гэрт нь хүлээлгэн өгсөн байна.