ОХУ-ын Свердловск мужийн амбан захирагч тэргүүтэй албаны хүмүүс бизнесийн төлөөлөгчдийн хамт Монгол Улсад айлчлах гэж байна. Айлчлал дөрөвдүгээр сарын 1-4-ний өдрүүдэд зохион байгуулагдах бөгөөд энэ хүрээнд хоёр талын бизнес эрхлэгчдийн уулзалтыг зохион байгуулах аж. Уулзалт дөрөвдүгээр сарын 2-нд МҮХАҮТ-ын байранд болох бөгөөд танхимаас тус уулзалтад оролцох Монголын талын бизнес эрхлэгчдийг бүртгэж эхэлжээ.