Английн Лондон хотноо нэгэн сонирхолтой үзмэр тавигджээ. Учир нь Японы Автомашин үйлдвэрлэлийн “Toyota” компанийн “Lexus” маркийн автомашиныг бодит машинтай адилхан хэмжээтэй цаасаар урласан байна. “Lexus” загварын энэхүү цаасан машин нь бүх талаараа жинхэнэтэйгээ яг адил бөгөө гэрэл асч, хөгжим явж, дуут дохио дугардаг байна. Тус машиныг бүтээхэд нийтдээ 1,700 хэсэг картон цаас ашиглажээ.
Машиныг бүтээхэд таван багийн дизайнерууд оролцсон байна. Хийхдээ их бие, хянах хэсэг, салон суудал гэх маягаар тус тусад нь бүтээгээд угсарчээ. Энд ашигласан картон цаас нь 10 мм зузаантай аж.
Энэхүү цаасан бүтээл автомашин сонирхогчдын хорхойг ихэд хөдөлгөж байгаа бөгөөд худалдан авах хүсэлтэй хүн ч ихээр хандаж байгаа юм байна.
