Улаанбаатар хотод орон сууцны үнэ энэ оны нэгдүгээр сарын байдлаар өмнөх оны мөн үеийнхээс 9.3, өмнөх сарынхаас 1.4 хувиар нэмэгджээ.
Шинэ орон сууцны нэг метр квадрат талбайн дундаж үнэ нэгдүгээр сард 3.91 сая төгрөг болж, Хан-Уул дүүрэгт хамгийн их буюу 4.20 сая төгрөгийн үнэтэй байв.
Харин хуучин орон сууцны нэг метр квадрат талбайн дундаж үнэ өнгөрсөн сард 3.79 сая төгрөг болж, Сүхбаатар дүүрэгт хамгийн их буюу 4.45 сая төгрөгийн үнэтэй байсныг Үндэсний статистикийн хороо мэдээллээ.