Баянзүрх дүүргийн 17 дугаар хороонд нэгдүгээр сарын 14-ний 06.00 цагаас эхлэн өнөөдрийн /2021.01.16/ 23.00 цаг хүртэл гурав хоногийн хугацаатай “Тэг зогсолт” буюу хэсэгчилсэн хязгаарлалт хийж байгаа.
Нийслэлийн Засаг даргын Тамгын газрын Цэргийн штаб төвийн зургаан дүүрэг буюу Баянзүрх, Баянгол, Сүхбаатар, Сонгинохайрхан, Чингэлтэй, Хан-Уул, дүүргийн Цэргийн штабын офицерууд болон 60 цэргийн албыг дайчлан, өчигдөр Баянзүрх дүүргийн 17-р хороонд буюу Шар хадны эмнэлэг, Техникийн зах, Эмнэлгийн гудамж орчмын айл өрх, иргэдийг урьдчилсан шинжилгээнд бүрэн хамруулах ажлыг гүйцэтгэлээ.
Өчигдрийн байдлаар дөрвөн цэгт явуулын шинжилгээний баг мөн онцгой байдлын алба хаагчид, 20 гаруй автомашинтай үүрэг гүйцэтгэж нийт 302 иргэнийг урьдчилсан шинжилгээнд хамруулсан байна.
