Улаанбаатар хотод энэ оны дөрөвдүгээр сард ДОХ-ын таван тохиолдол илэрч, улсын хэмжээнд бүртгэгдсэн ХДХВ/ДОХ-ын нийт тохиолдол 260 болсон тухай Үндэсний статистикийн хорооноос мэдээллээ.
Бүртгэгдсэн ХДХВ-ийн тохиолдлуудын 62 хувийг 25-34 насны залуучууд эзэлдэг байна. Нийт бүртгэгдсэн тохиолдлын 80 хувь эрэгтэйчүүд эзэлж байгаа ба үүний бараг 80 хувь нь эрчүүдтэй бэлгийн харьцаанд ордог эрэгтэйчүүд байдаг аж.
Үхлийн аюултай энэ өвчин анх манай улсад 1992 онд бүртгэгдэж байсан бөгөөд үүнээс хойш нийт 35 хүн энэхүү өвчний улмаас хорвоогийн мөнх бусыг үзүүлжээ.