ОХУ-ын нэрт дасгалжуулагч Дмитрий Миндиашвилигийн нэрэмжит олон улсын тэмцээн өчигдөр /01.17/ Красноярск хотод эхэллээ. Тэмцээний эхний өдөр эмэгтэйчүүдийн жингийн барилдаан болоход манай бөхчүүдээс нэг алт, хоёр мөнгө, нэг хүрэл медаль хүртлээ. Тодруулбал, 68 кг-ын жинд 2018 оны залуучуудын ДАШТ-ий мөнгөн медальт, ОУХМ Э.Дэлгэрмаа алт, 53 кг-д залуучуудын дэлхийн дэд аварга, ОУХМ Б.Халиунаа, 59 кг-д спортын мастер Н.Энхтуяа нар мөнгө, 55 кг-д спортын мастер Б.Хулан хүрэл медалийн эзэн боллоо.