ОХУ-ын Эрхүү мужид жил бүр болдог модон баримлын “Лукоморье на Байкале” уралдаанд Монгол Улсаас оролцсон Д.Цэрэнбат, Б.Базарсад нарын урласан “Нөхөрлөл” сийлбэр тэргүүлжээ. Мөн Д.Лхагвасүрэнгийн “Төрөлх үнэр” баримал хоёрдугаар байрт шалгарсан байна. Харин гуравдугаар байрт оросын Санкт-Петербургийн сийлбэрч Матвей Макушкин, Семён Жохов нарын хамтын бүтээл “Үнсэлт” бүтээл оржээ.
Оросын Эрхүү мужийн засгийн газраас аялал жуулчлалыг хөгжүүлэн дэмжих зорилгоор найман жилийн турш зохион байгуулж байгаа модон баримлын эл уралдаан, симпозиумын бүтээл 200 гаруй баримал, сийлбэр үлдсэнийг зөөвөрлөн Байгалийн төв замаас 49 км-т шилжүүлэн байрлуулжээ.
“Итгэл, найдвар, хайр” гэсэн сэдвээр зохион байгуулсан энэ жилийн уралдаанд Эквадор, Аргентин, Иран, Герман, Хятад, Бразил, Япон, Турк, Сири, Испани, Чили, Израиль, Өмнөд Солонгос, Бельги, Судан, Польш, Колумб, Иран улсаас ирсэн 32 баг модон баримлын олон улсын уралдаанд оролцсон байна.
