“Токио-2020” олимпийн Монголын багийн хамгийн залуу тамирчин нь ширээний теннисний эмэгтэйчүүдийн ганцаарчилсан төрөлд өрсөлдөх Батмөнхийн Болор-Эрдэнэ.
Б.Болор-Эрдэнэ нь 2002 оны 11 дүгээр сарын 11-нд төрсөн.
Токио-2020 олимпийн наадамд оролцох эрх аваад буй тамирчинг онцолж байна. Түүнийг Батмөнхийн Болор-Эрдэнэ гэдэг. Тэрбээр Монголын ширээний теннисний шигшээ багийн тамирчин бөгөөд саяхан Катарын нийслэл Дохад хотод явагдсан олимпийн наадмын эрх олгох тэмцээнд амжилттай оролцож, эрхээ авсан 18 настай тамирчин охин юм.
Багаасаа ширээний теннисний спортоор хичээллэж, 18 насандаа олимпийн наадмын эрх авч, ирэх зун Токиог зорих Монголын багийн хамгийн залуу тамирчнаар тодроод буй юм.