Олон Улсын олимпын хороо Францын спортын сайд асан, Допингийн эсрэг байгууллагын дэргэдэх допингийн шинжилгээний байгууллагын тэргүүн Валерий Фурнейроноор ахлуулсан ажлын хэсгийн нэрлэсэн, Пёнчаны өвлийн олимпод урилгаар оролцох ОХУ-ын 15 (13 тамирчин, хоёр дасгалжуулагч) төлөөлөгчийг оролцуулахаас татгалзсан байна. Энэ тухай тус байгууллагын хэвлэлийн мэдээнд өгүүлснийг ТАСС агентлаг уламжлав.
Өмнө нь ОХУ-ын Сочи хотноо болсон олимпын наадамд допингийн эсрэг дүрмийг зөрчсөнтэй холбоотойгоор ОХУ-ын 28 тамирчны эрхийг түдгэлзүүлсэн шийдвэр гаргаж байсан билээ.
ОХУ-ын Олимпын хорооноос Олон улсын олимпын хороонд Александра Легков, Евгений Белов, Максим Вайлдзанин, Александр Бесмернев, Еггения Шаповалова, Наталья Матвеева (цана), Ольга Фуркулина, Александра Румцанцев, Александра Румычеева, Артем Кузнецов (тэшүүр), tobacconist Татьяна Иванова болон дасгалжуулагч Альберт Демененко, Сергей Чудинов нарыг урилгаар оролцуулах хүсэлт тавьжээ.