Украины хилээс 600 км зайтай оршдог ОХУ-ын Энгельс агаарын баазад дахин дараалан дэлбэрэлт болсон тухайхоёр талын эх сурвалжууд мэдээлжээ. Агаарын баазад дараалсан хоёр дэлбэрэлт болсныг Украины хэвлэл мэдээлсэн бол хүчтэй дэлбэрэх чимээ гарч, агаарын түгшүүр зарласан тухай орон нутгийн иргэдийн мэдээлэлд үндэслэн Оросын “ Baza” болон “Кровавая барыня” сайт мэдээлжээ.
Саратов хотын ойролцоо оршдог Энгельс агаарын бааз нь ОХУ-ын нийслэл Москва хотоос зүүн өмнө зүгт 730 км зайтай оршдог. Тус бааз энэ сарын эхээр мөн халдлагад өртөж байсан юм. Тухайн үед ОХУ-ын батлан хамгаалах яам Украины тал дроноор довтолсон гэж тайлбарлаж байжээ. Энгельс баазад Оросын стратегийн цөмийн зэвсэгт хүчний бөмбөгдөгч онгоцнууд байрладаг юм.
Украины арми өмнө нь Оросынгазар нутгийн гүнд цохилт өгөх чадвартайгаа харуулж байсан ч Энгельс баазад довтолсныг болоннаймдугаар сард Крымийн хойг дахь агаарын баазад өгсөн халдлага, есдүгээр сард Крымийн гүүрэнд болсон дэлбэрэлтийг үйлдсэ гэдгийг ч хүлээн зөвшөөрөөгүй байгаа юм гэж “Reuters” мэдээлэв.
Г.АМАРСАНАА