Холбооны
аюулаас хамгаалах алба, ОХУ-ын Мөрдөн байцаах хороо хамтран шалгалт хийсний
дүнд тус улсын Авлигатай тэмцэх газрын
дарга Дмитрий Захарченко нь 10.7 сая ам.доллар үнэ бүхий дөрвөн орон сууцтай нь
илэрсэн бөгөөд нэг
орон сууцнаас нь 122 сая ам.доллар гарч иржээ. Түүнээс гадна автомашиныг нь
нэгжихэд 170 мянган ам.доллар гарч ирсэн тухай Тасс агентлаг мэдээлсэн байна.
Захарченког ОХУ-д 140 сая долларын хохирол
учруулсан хэмээн тус улсын Мөрдөн байцаах хорооноос тогтоогоод байна.
Түүнийг
төрийн ажилтнуудын авлигын хэргийг хэрэгсэхгүй болгосноор мөнгө авч, мөнгө
олдог хэмээн эх сурвалжууд мэдээлжээ.
Прокурорын
байгууллагаас түүнээс олдсон мөнгийг шалгаж, хэнтэй холбоотойг шалгаж байгаа
бөгөөд ирэх 11 дүгээр сар хүртэл хорихоор болсон байна. Гэвч өмгөөлөгчид нь
түүнийг нэг сая ам.доллараар батлан даалтад авах хүсэлтээ гаргажээ.