ОХУ Украин руу довтолсон явдлаас үүдэн Европын хөл бөмбөгийн холбоо Санкт Петербург хотод зохиогдох байсан Аваргуудын лигийн финалын тоглолтыг цуцаллаа. 2021-2022 оны Аваргуудын лигийн шөвгийн 16-гийн тоглолтууд үргэлжилж байгаа бөгөөд зөвхөн финалын тоглолт ОХУ-д тавдугаар сарын 28-нд болох байсан юм. Өнөөдрийн байдлаар Аваргуудын лигийн финалын тоглолтыг ямар хотод зохиох тухай шийдвэр гараагүй байна. Гэхдээ хамгийн боломжит хувилбар нь Английн Wembley цэнгэлдэх хүрээлэн гэж судлаачид үзэж байна.