БНХАУ-ын дарга Си Зиньпин ОХУ-ын ерөнхийлөгч Владимир Путины урилгаар энэ оны долоодугаар сарын 5-ны өдөр Москва хотноо албан ёсоор айлчилсан билээ. Хоёр орны удирдагчид хоёр талын хамтын ажиллагаа өндөр түвшинд хүрснийг онцлон тэмдэглэв. Путин, Си Зиньпин нар хэлэлцээ хийж, харилцан сонирхож буй чухал асуудлуудаар санал бодлоо солилцон, Хятад, Оросын найрамдлыг өндрөөр үнэлэн, хоёр орны харилцааны хэтийн төлвийн талаар ярилцсан аж. Путин , Си Зиньпин нарын хэлэлцээний үр дүнд, талууд 2017-2020 оны хооронд найрамдалт хамтын ажиллагааны хүрээнд улс төр, эдийн засаг, соёлын болон олон нийтийн салбарт хамтарч ажиллах хэдэн арван баримт бичигт гарын үсэг зуржээ. Удирдагчид хоёр орны харилцаа өндөр түвшинд хүрснийг онцолжээ. Путин “Орос-Хятадын хамтын ажиллагаа бэхжиж, улам эрчимтэй хөгжиж буйг илэрхийлсэн бол Си Зиньпин ОХУ, БНХАУ-ын хоорондын харилцаа дэлхий дахины нөхцөл байдлаас үл хамааран тууштай хэвээр байна гэдэгт итгэлтэй байгаагаа илэрхийлжээ.