Улсын онцгой комиссын шийдвэрийн дагуу ОХУ-аас нутаг буцах хүсэлтэй монгол иргэдийг татан авах ажиллагаа өчигдөр Алтанбулаг боомтод болж, 276 монгол иргэнийг улсын хилээр нэвтрүүлж, тусгаарлах ажиллагааг зохион байгууллаа. Хилээр орж ирсэн иргэдийн дийлэнх нь оюутан байна. Хүн тус бүрийг нэг өрөөнд байхаар тусгаарлалт хийж, ХӨСҮТ-өөс оношлуурын баг явж ажиллаж байгаа аж.