Сингапур улсад 25 дахь удаагийн Ой тогтоолтын дэлхийн аварга шалгаруулах оюуны спортын тэмцээн өчигдөр эхэлж манай тамирчид 9 медаль хүртээд байна. Энэхүү тэмцээн гурван өдөр үргэлжлэх юм байна.
Тус тэмцээнд 232 тамирчин оролцож байна. Ой тогтоолтын 10 төрлөөр бага, өсвөр, насны сурагчдын ангилалд өрсөлдөж байна. Манай улсаас уг тэмцээнд 23 тамирчин багш, дасгалжуулагчийн хамт оролцож байна. Эхний өдөр зохион байгуулагдсан “Нэр, зүс царай”, “Хоёртын тоолол” төрлөөс авч болох боломжит 69 медалиас 9 медалийг хүртсэн юм.
Тухайлбал, “Хоёртын тоолол” төрөлд ОУИМ Б.Шижир-Эрдэнэ /16 нас/, 4635 цифр тогтоон алдаагүй нэрлэснээр ерөнхий ангилалд насанд хүрэгчдийг ялж аварга болжээ. Мөнхшүр, Энхшүр нар дэлхийн шилдгүүдийг ардаа орхин медалийн болзол хангаад байна.
О.ӨНӨР