АНУ-ын Ерөнхийлөгч Барак Обама өөрийн улсынхаа аварга болсон багийн төрлийн тоглогчдын хүлээн авч уулздаг уламжлалтай. Үүнээс өмнө бейсбол, хоккей, сагсан бөмбөгийн улирагч оны аваргууд Цагаан ордонд зочилж ерөнхийлөгчтэйгээ уулзаад зургаа татуулаад амжсан. Энэ удаа хөлбөмбөгийн багийнхны ээлж ирсэн бололтой. Өнгөрөгч улирлын аварга Лос-Анжелес хотын “Лос-Анжелес Гэлакси” баг ерөнхийлөгчтэйгээ хамт Цагаан ордонд нэг үдшийг өнгөрүүллээ. “Гэлакси” багийн бүрэлдэхүүнд багтан тоглож байсан Дэвид Бекхэм, Л.Донован нар “Обама” гэсэн хаягтай багийнхаа өмсгөлийг ерөнхийлөгчдөө дурсгаж хамт зургаа татуулжээ.
Б.ХУЛАН