Цагаан сарын босгон дээр салбар бүртээ амжилт үзүүлж, бусдыгаа манлайлсан зарим хүнд Ерөнхийлөгч Х.Баттулга шагнал гардуулна. Ардын багш, гавьяат дасгалжуулагч О.Балжинням аварга өнөөдөр өндөр цол хүртэх гэнэ шүү. Жүдо бөхийн Үндэсний шигшээ багийн ахлах дасгалжуулагч түүнд Хөдөлмөрийн баатар цол олгох аж. Түүнийг шигшээ баг удирдах хугацаанд “Лондон—2012” олимпийн наадмаас Н.Түвшинбаяр мөнгө, С.Ням-Очир хүрэл медаль хүртсэн бол өнгөрсөн жилийн насанд хүрэгчдийн ДАШТ-ээс Монголын жүдочид нэг дор зургаан медаль авсан билээ.