Таван толгойн бүлэг ордоос Гашуун сухайт боомт хүртэлх замын зарим хэсэг энэ сарын 14-нд үерийн усанд автжээ. Иймд жижиг оврын тээврийн хэрэгслийн хөдөлгөөнийг энэ сарын 14, 15-нд түр хугацаагаар буюу 4-5 цаг хязгаарласан байна. Байгалийн давагдашгүй хүчин зүйлийн улмаас ийм зохицуулалт хийсэн, харин том оврын, нүүрс тээврийн машинууд хэвийн зорчиж байна гэж “Гашуун сухайт авто зам” компаниас мэдээллээ.
Өмнөговь аймгийн Цогтцэций суманд байрлах Таван толгой бүлэг ордоос Гашуун сухайтын хилийн боомт хүртэлх зам нийт 237 км урт. Уул уурхайн бүтээгдэхүүн тээвэрлэх зориулалтаар хүнд даацын хатуу хучилттай авто замыг 2011 онд “Энержи ресурс” компани барьж, 2013 онд “Эрдэнэс Монгол” компанид шилжүүлсэн юм.
