“Хог хаягдлаа
багасгая, ангилан ялгая, дахин боловсруулъя” сэдэвт зургийн уралдааныг НҮБ-ын
Аж үйлдвэрийн газраас хүүхэд багачуудын дунд зарлалаа. Уралдаанд
10-14 насны хүүхдүүд зурагт хуудасны төрөлд оролцох бөгөөд сэдвийн
хүрээнд зөвхөн ганц бүтээлээр өрсөлдөх боломжтой. Мөн гэрэл зураг сонирхогч
15-20 насны залуус сэдвийн хүрээнд өөрсдийн авсан гэрэл зургаар оролцоно.
Нэгдүгээр байр эзэлсэн хүүхдэд өргөмжлөл, 500 мянга, хоёрдугаар байр өргөмжлөл,
300 мянга, гуравдугаар байр өргөмжлөл, 200 мянга, дөрөвдүгээр
байр өргөмжлөл, 70 мянган төгрөгөөр шагнаж урамшуулах юм. Түүнчлэн
тэргүүн байр эзэлсэн хүүхэд бүсийн шалгаруулалтад оролцох бөгөөд бүсээс
шалгарсан нэг хүүхэд Австрийн Вена хотод болох “Шилдэг зурагт хуудас”
өргөмжлөлийг гардан авах ёслолд оролцох эрхээр шагнуулах аж. Хүүхэд,
залуусын ирүүлсэн бүтээлээр үзэсгэлэн гаргаж, телевиз, хэвлэл мэдээллийн
хэрэгслээр сурталчлан олон нийтэд танилцуулах бөгөөд бүтээлийг энэ сарын 25-нийг
дуустал хүлээн авна.