НҮБ-ын Аюулгүй зөвлөл БНАСАУ баллистик пуужин хөөргөснийг эрс буруутган мэдэгдэл хийлээ. Тус зөвлөл өнгөрсөн ням гаригт БНАСАУ баллистик пуужин хөөргөсөнтэй холбоотойгоор яаралтай хуралдаан зарласан байна. Улмаар БНАСАУ өнгөрсөн нэгдүгээр сард цөмийн зэвсэг туршсаны хариуд ноцтой арга хэмжээ авна хэмээн дахин мэдэгджээ. НҮБ-ын Аюулгүйн зөвлөл энэ оны эхээр, Хойд Солонгос устөрөгчийн бөмбөг туршсан тухай мэдэгдэл гаргасны дараа хариу арга хэмжээ авахаар тогтоолын төсөл боловсруулж байгаа юм. Их Британи, Япон улс Аюулгүйн зөвлөлд хандан пуужин хөөргөсөнд нь хатуу хариулт өгөхийг шаарджээ.