Норвегийн эрх баригчид танк эсэргүүцэх M72 гранат харвагч 2000 ширхэгийг Украинд илгээсэн тухай тус орны Засгийн газрын хэвлэлийн алба мэдээлэв. Өмнө нь ч Норвеги танк эсэргүүцэх 2000 орчим зэвсгийг Украинд нийлүүлж байсан юм.
Гуравдугаар сарын 31-ний өдөр Украины Ерөнхийлөгч В.Зеленьский Норвегийн парламентад цахимаар үг хэлэхдээ хөдөлгөөнт зенитийн пуужингийн NASAMS цогцолбор болон хөлөг онгоц эсэргүүцэх “Гурпун” пуужин нийлүүлэхийг санал болгосон юм. Үүнээс гадна хуягт техник, их бууны системийн эсрэг зэвсэг шаардлагатай байна гэжээ.