Замын цагдаагийн албанд долдугаар сарын 27-нд иргэдээс “Саарал өнгийн ‘Субару’ маркийн автомашин явган хүний зам зүлэг, ногоон байгууламжийг эвдэж сүйтгээд байна” гэсэн гомдол мэдээлэл ирүүлжээ. ‘Субару’ маркийн авто машины жолооч иргэн Б нь ногоон байгууламж сүйдэлж машинаараа явснаас гадна хуурамч улсын дугаар зүүж хөдөлгөөнд оролцсон зөрчил илэрсэн байна.
Түүний автомашины улсын дугаар 6070 бөгөөд долдугаар сарын 27-ний өдөр буюу баасан гаригт 0-ээр төгссөн улсын дугаартай тээврийн хэрэгсэл хөдөлгөөнд оролцдоггүй. Тйимээс 0698 УНР буюу наймаар төгссөн хуурамч улсын дугаараар хөдөлгөөнд оролцсон байжээ.
Үүнийг “тэрбээр тайлбарлахдаа “0698 УНР машины дугаар байрны хажуу талын авто гараашид хэд хоног байхыг харсан. Тухайн өдөр хамт олноороо зугаалгаар явах байсан ч миний машины дугаар хөдөлгөөнд оролцохгүй учир 0698 УНР дугаараар хөдөлгөөнд орсон. Улсын дугаарыг зүүж ганцхан өдөр л хөдөлгөөнд оролцсон” гэжээ. Түүний гаргасан зөрчлүүд нь Зөрчлийн тухай хуульд зааснаар гурван сар тээврийн хэрэгсэл жолоодох эрхээ хасуулж 50.000 төгрөгөөр торгох арга хэмжээг авахуулах болж байгаа аж.
