Нийслэлийн есөн дүүрэгт хүнсний ногооны үзэсгэлэн зохион байгуулагдаж байгаа.
Төмс, хүнсний ногооны үзэсгэлэн худалдаанд оролцогч иргэд, хоршоо, аж ахуйн нэгжүүдэд МХЕГ-ын дэд даргын баталсан “Ургамал, ургамлын гаралтай түүхий эд, бүтээгдэхүүнд ургамлын хөнөөлт организм, нитрат, пестицидийн үлдэгдэл тодорхойлох хяналт шинжилгээ хийх тухай” удирдамжийн дагуу хяналт шалгалтыг хийж байгаа аж.
Нийслэлийн мэргэжлийн хяналтын газраас есдүгээр сарын 01-ны өдрийн байдлаар 20 гаруй нэр төрлийн төмс, хүнсний ногоо, жимс жимсгэнээс 108 дээж авч МХЕГ-ын ХАБҮЛЛ-д ургамлын өвчин хортон, пестицид, нитрат, хүнд металлын үлдэгдэл тодорхойлох шинжилгээнд хамруулжээ. Шинжилгээний дүнгээр 55 дээж стандарт шаардлага хангасан үзүүлэлттэй, 53 дээжийн хариу гараагүй хүлээгдэж байгаа юм байна.
Мөн СБД-ийн Саруул маркетад худалдаалж буй тарваснаас 10 дээж авч МХЕГ-ын ХАБҮЛЛ-д шинжилгээнд хамруулжээ. Шинжилгээний дүн гараагүй байгаа аж.
