Чикаго буллз багийн довтлогч Никола Миротич улирлын эхэнд багийн анд Бооби Порисд цохиулснаас хойш тоглолтуудад оролцоогүй. Тэрээр энэ арванхоёрдугаар сард багтайгаа эргэн нэгдэж 7 тоглолт дарааллан хожигдоогүй байсан бөгөөд энэ улиралд хожигдоогүй цорын ганц тоглогч байсан юм. Тэгвэл өнөөдөр тэдний баг Клэвланд Кавальерс багийн эсрэг тоглож 115-112-ийн харьцаатай хожигдол хүлээв.
Клэвланд Кавальерсаас жижиг довтлогч Лэброн Жэймс 34 оноо, 9 оновчтой дамжуулалт, 3 бөмбөг таслалт хийж багаа тэргүүлсэн бол түүнд Кэвин Лов 27 оноо, 7 самбараас бөмбөг авалтаар тусаллаа. Харин бухнуудаас хүчний довтлогч Лаури Маканнэн 25 оноо авч багаа тэргүүлсэн бол түүний байрлал нэг тоглогч Дэнзэл Валинтин 18 оноо, 5 самбараас бөмбөг авалтаар туслав. Харин Никола Миротич сэлгээнээс 15 оноо, 5 самбараас бөмбөг авалт хийлээ.
Б.АМАРТҮВШИН