Нийслэлд үйл ажиллагаа явуулж, иргэдэд үйлчилж буй хувийн автобус компаниуд өнөөдөр 06.00 цагаас эхлэн ажил хаялт зарлалаа. Тэдний гурван сарын цалинг олгоогүй учир ийнхүү ажил хаялт зарласан гэх мэдээлэл байна. Одоогоор үйлчилгээнд “Нийтийн зорчигч тээврийн нэгтгэл”-ийн болон “Мяралзаа” компанийн автобусууд үйлчилгээнд гарч байна. Автобусны буудлуудад автобус хүлээж ажил сургуулиасаа хоцорсон иргэд цөөнгүй байна.
Жолооч нарын яриагаар “Смарт карт” компани хувийн автобус компаниудад гэрээний дагуу мөнгө олгоогүй гэнэ. Хэрвээ энэ мөнгө шийдэгдвэл ажил хаялтаа зогсоох аж.