Сүхбаатар дүүргийн цагдаагийн хэлтсээс хариуцсан
нутаг дэвсгэрийнхээ эрүү, хэв журмын нөхцөл байдалд дүгнэлт хийж, гэмт хэрэг,
зөрчлөөс урьдчилан сэргийлэх, илрүүлэх, таслан зогсоох зорилгоор “Нийтийн
эргүүл” нэгдсэн арга хэмжээг зохион байгуулж байгаа аж.
Энэхүү арга хэмжээг долоо хоног бүрийн баасан гаригт зохион байгуулж, гэмт хэрэг, зөрчил
байнга давтамжтай үйлдэгддэг эмзэг цэгүүдэд цагдаагийн ажилтан, хороодын Засаг
дарга, Засаг даргын ажлын албаны болон Иргэдийн нийтийн хурлын дарга, гишүүд,
олон нийтийн цагдаагийн ажилтан, урамшуулалт эргүүл, их, дээд сургуулийн
оюутан, иргэдийн төлөөллийг эргүүлд ажиллуулсанаар гудамж талбай, олон нийтийн газар
гэмт хэрэг буурах хандлага мэдэгджээ.