Монголын Өмгөөлөгчдийн Холбооны ерөнхийлөгчийн тушаалаар Нийслэлийн Өмгөөлөгчдийн Зөвлөлийн даргаар Монголын Өмгөөлөгчдийн Холбооны дэд ерөнхийлөгч Чимэдбалдирын Жадамба томилогджээ. Ч.Жадамба нь Монголын Өмгөөлөгчдийн Холбооны гишүүн хуульч, өмгөөлөгчөөр тав дахь жилдээ ажиллаж байгаа аж.
Тэрээр 2012 онд Шихихутуг их сургуулийг Бизнесийн эрх зүйч мэргэжлээр, 2015 онд МУИС-ийн ХЗС-д магистр, 2018 онд докторант дүүргэсэн байна. 2018 онд гадаад, дотоодын эрдэм шинжилгээний бага хуралд иргэний эрх зүй, захиргааны эрх зүй, гэр бүлийн эрх зүй, өмчлөх эрх, газрын эрх зүйн чиглэлээр нийт арван удаа илтгэл тавьж оролцсон байна. Түүнчлэн
-УИХ-аас баталсан Захиргааны хэрэг шүүхэд хянан шийдвэрлэх тухай хууль, Нотариатын тухай хууль /шинэчилсэн найруулга/,
-Шүүхийн шийдвэр гүйцэтгэх тухай хууль /шинэчилсэн найруулга/,
-Иргэний хууль, Үл хөдлөх эд хөрөнгийн барьцааны тухай хууль, Прокурорын байгууллагын тухай хууль,
-Шүүгчийн эрх зүйн байдлын тухай хууль зэрэг хууль тогтоомжууд Үндсэн хууль зөрчсөн эсэх талаарх мэдээллүүдийг Үндсэн хуулийн цэцэд гаргаж, амжилттай шийдвэрлүүлж байжээ.