Онцгой байдлын асуудал эрхэлсэн байгууллага өнөөдөр 2016 оны ажлаа дүгнэж, үйл ажиллагааны тайлангийн хурлыг зохион байгууллаа. Тус байгууллагын 2016 онд дэвшүүлсэн зорилтын хэрэгжилтийг хангаж, гамшгаас хамгаалах чадавхи, бэлтгэл бэлэн байдлыг дээшлүүлэх, төрийн үйлчилгээг иргэд, аж ахуйн нэгж, байгууллагад түргэн шуурхай, чанартай хүргэхэд идэвхи санаачлага гарган ажилласныг үнэлсэн байна. 2016 оны “Тэргүүний газар”-аар нийслэлийн Онцгой байдлын газрыг шалгаруулж, шагналыг Монгол Улсын Шадар сайд У.Хүрэлсүх, ОБЕГ-ын дарга, бригадын генерал Т.Бадрал нар гардуулжээ.