Нийслэлийн Засаг Даргын Тамгын Газрын байрны гадаа яг одоо эсэргүүцлийн тайван жагсаал хийж байна. Жагсаалд Нийслэлийн 1,500 орчим иргэн оролцож байгаа ажээ.
Жагсаалд оролцогчид Нийслэлийн Иргэдийн Төлөөлөгчдийн Хурлыг хугацаанаас нь өмнө тараах, зүүн эргэх дүрмийг болиулах, Нийслэлийн Засаг Дарга С.Батболдыг огцруулахыг шаардаж байгаа нь энэ аж.
Мөн Баянзүрх дүүргийг хоёр дүүрэг болгох асуудлыг эсэргүүцэж, иргэдээс гарын үсэг цуглуулж байгаа юм байна.
Жагсагчид 500-700 мянган иргэний гарын үсэг цуглуултал, тайван жагсаалаа үргэлжлүүлнэ гэлээ.