Монгол орны ихэнх нутгаар элбэг тархсан хортой могойны нэг төрөл бол Бамбай хоншоорт могой. Хад асгатай газраар амьдардаг энэ төрлийн могой сүүлийн жилүүдэд үерийн усаар дамжин нийслэл хотод орж ирэх нь ихэссэн.
Таних шинж тэмдэг:
-Биеийн урт 70 орчим сантиметр
-Ерөнхийдөө хул шарга, хар хүрэн зүстэй боловч биеийн зүс маш хувьсамтгай. Тухайлбал ой мод бүхий нутгийнх ихэвчлэн тод хар хүрэн, говь цөлийн бүсийнх цайвар эсвэл бор шарга байна.
-Нуруу ба сүүлний дагуу хөндлөн цагаан судалтай. Энэ судал заримдаа дундуураа тасархайтсан байдаг.
-Биеийн хоёр хажуугаар тууш эгнэсэн цайвар бараан толботой.
-Хүүхэн хараа нь босоо.
-Нүд хамрын хооронд гүнзгий хонхортой тул зэрвэс ажиглахад хамарын дөрвөн сүвтэй мэт байдгаараа бусад могойноос хялбар ялгагдана.
Могойд хатгуулсан тохиолдолд нэн яаралтай эмнэлгийн байгууллагад очих шаардлагатайг анхаарна уу.
Хэрэв та нийслэлд энэхүү могойтой таарвал
Ажлын цагаар Нийслэлийн Байгаль орчны газрын 318003, 323780 утсаар, бусад цагт Нийслэлийн Шуурхай Удирдлагын Төвийн 310005 тоот утсаар мэдээлэл өгнө үү.