2021 оны байдлаар 27 мянган малчин нийгмийн даатгалд хамрагдаад байна. Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийн хэрэгжих хугацааг нэг жилээр сунгасан. Өнгөрсөн хоёр жилийн хугацаанд 19,4 мянган малчин, 1,6 мянган хувиараа хөдөлмөр эрхлэгч буюу нийт 21 мянган хүн хуулийн нөхөн төлөх боломжийг ашиглаж, 42,9 тэрбум төгрөг нийгмийн даатгалын санд төвлөрүүлсэн ажээ. Үүнээс 12 мянган хүн Нийгмийн даатгалын сангийн үр шимийг шууд хүртэж, 33 тэрбум төгрөгийг зарцуулсан байна.