Эрдэнэт үйлдвэрийн 2024 эхний сарын үйлдвэрлэлийн төлөвлөгөөт үзүүлэлтүүд 100-аас дээш хувиар биелжээ.
Уурхайчид 3 сая 474 мянган тонн хүдэр олборлож, төлөвлөгөөг 101.3 хувиар давуулж, уулын цул гаргалт, хөрс хуулалтын гүйцэтгэл 101.8-102.4 хувиар биелсэн байна. Исэлдсэн хүдэр олборлолт 113.7 хувиар, энэ хугацаанд 51950 тууш метр өрөмдлөг хийж, төлөвлөгөөгөө 100.7 хувиар биелүүлжээ.
Баяжуулагчид оны эхнээс 3 сая 206 мянган тонн хүдэр боловсруулснаар төлөвлөгөөгөө 100.6 хувиар биелүүлэв. Хүдэр дэх зэсийн агуулгын төлөвлөгөө 100.8, зэсийн металл авалт 101, молибден авалт 126.8 хувь байлаа. Хуурай жингээр зэсийн баяжмал 47790, молибдены баяжмал 559 тонныг гаргаж, төлөвлөгөөгөө 102.4-118.3 хувиар биелүүллээ.
Энэ оны эхний сард нийт 47608 тонн зэсийн баяжмал, 506 тонн молибдены баяжмал экспортод ачуулж, баяжмалын чанарын төлөвлөгөөг 101.4-104.3 хувиар биелүүлснийг “Эрдэнэт үйлдвэр” ТӨҮГ мэдээлэв