Эртний Энэтхэгийн 84 шидтэний нэг, халхын 88 шидтэй Наро Банчэн гэгээнтний 7 дүрийн хувилгаан Данзанлхүндүв өнөө өглөөЖагарын орныг зорьж, эрдмийн аянд морджээ. Наро Банчэн гэгээтнээр тодорч ахуй цагт нь Дээрхийн гэгээнтэн 14 дүгээр Далай лам Данзанжамц соёрхол батламжийг нь гардуулахдаа “Шинжлэх ухаан технологийн эрин зуунд орчин цагийн сургуульд сурч байгаа нь тун сайн хэрэг. Сурч байгаа сургуулиа амжилттай төгсөөд, дараа ирж суралцаарай” гэж захисан аж. Тэрбээр захиасыг нь биелүүлэхээр Энэтхэг улсад суралцахаар ийнхүү морджээ.
