Налайх дүүрэгт хот байгуулах шийдвэрийг нийслэлийн удирдлагууд гаргаад буй. Энэ дагуу хотын Захирагчийн сонгох сонгуулийг маргааш зохион байгуулах гэж байна. Налайх хотын Захирагчийн сонгуулийг зохион байгуулах нэгдсэн хороог 11 хүний бүрэлдэхүүнтэй байгуулан ажиллаж байгаа аж. Захирагчийн сонгуулийг Налайх дүүргийн 1, 2, 3, 4, 5, 7-р хорооны хэсэгт хороо тус бүрт байгуулжээ. Хэсгийн хороог тухайн хорооны нутаг дэвсгэрийн хилийн цэс, Налайх хотын эдэлбэр газрын заагаар хязгаарлаж тогтоосон байна. Налайх дүүргийн Захирагчийн сонгуульд найман нэр дэвшигч өрсөлдөж байгаа юм.Зургаан хэсгийн хорооны нэрсийн жагсаалтад орсон 20 263 иргэн сонгуульд оролцох эрхтэй юм байна. Сонгууль маргааш 07-22 цагийн хооронд болно.