Үндэсний их баяр наадмын өмнө болдог сорилго барилдаан өчигдөр Бөхийн өргөөнд боллоо. Ховд аймгийн Буянт сумын харьяат, 1940 оны улсын наадмын түрүү бөх, Улсын арслан Ш.Ванчинхүү агсны нэрэмжит барилдаанд улс, аймгийн алдар цолтой 126 бөх барилдсан юм. Барилдаанд Улсын начин Д.Анар түрүүлж, Улсын арслан П.Бүрэнтөгс үзүүрлэв. Их шөвөгт Улсын харцага Х.Гантулга, Улсын начин Б.Даваа-Очир нар шалгарсан байна.