Тулгар төрийн 2227, Их Монгол Улсын 812, Ардын хувьсгалын 97 жилийн ой, Үндэсний их баяр наадмын нээлтийн тасалбарыг Нийслэлийн үйлчилгээний нэгдсэн төвийн “Мишээл”, “Дүнжингарав”, “Оргил” болон “Драгон” салбараар борлуулж байна.
Мөн жуулчдад зориулсан тасалбарыг Нийслэлийн аялал, жуулалын газрын байранд борлуулж байгаа бөгөөд суудлын зэрэглэлээс хамаарч 16-24 мянган төгрөгийн үнэтэй байгаа юм. Өмнө жилүүдэд наадмын нээлтийн тасалбарыг ихэвчлэн нэг цэгт борлуулдаг байсан. Энэ нь иргэд тасалбар борлуулах цэгийн гадна хонох, урт дараалал үүсгэх улмаар гэмт хэрэг, зөрчил гарах шалтгаан болдог байсан юм. Харин энэ жил дөрвөн цэгээр борлуулснаар уг асуудлыг шийдвэрлэх боломжтой хэмээн зохион байгуулагчид үзэж байгаа аж.