Өнөөдөр Ерөнхий сайд Ж.Эрдэнэбат Засгийн газрын бүтцийн тухай төслөө өргөн барьсантай холбогдуулан Төрийн байгуулалтын байнгын хороо хуралдаж байгаа. Хуралдааны эхэнд УИХ-ын Тамгын газрын ерөнхий нарийн бичгийн дарга Б.Болдбаатарыг өөрийнх нь хүсэлтээр чөлөөлж, оронд нь Ц.Цолмонг томилох тухай асуудлыг хэлэлцэж, Ц.Цолмонг дэмжсэн байна. Мөн энэ өдөр Эдийн засгийн байнгын хороо хуралдаж, Н.Золжаргалыг Монголбанкны ерөнхийлөгчөөс чөлөөлөн оронд нь Надмидын Баяртсайханыг томилохыг дэмжжээ. Н.Баяртсайхан өмнө нь Сангийн сайдаар ажиллаж байсан билээ.