Тагнуулын ерөнхий газраас экс Ерөнхий сайд Н.Алтанхуягийг шалгаж
эхэлсэн гэх мэдээлэл хэвлэлээр гарах болов. Энэ талаар тус байгууллагаас
одоогоор ямар нэгэн тайлбар хийгээгүй байна. Тэрбээр Ерөнхий сайд
байхдаа АТГ, Ардын нам хоёр ажил хийлгэхгүй байна гэж хэлж байсан
удаатай.
Харин улстөрийн хүрээнийнхний дунд яригдаж байгаа мэдээллээр
Н.Алтанхуягийг хууль, хүчнийхэн хүч хавсран шалгаж эхэлсэн нь цаанаа
учиртай гэх. Тэрбээр Прокурорын дэргэдэх Мөрдөх албыг сэргээх болон
Эрүүгийн хуульд нэмэлт өөрчлөлт оруулах хуулийн төсөл УИХ-ын даргад
өргөн барьсан. Үүнээсээ болж хуулийнхний “зуултад” орсон гэж ярих хүн
байна. Тэгвэл нөгөө талаасаа Н.Алтанхуягийг хууль хүчнийхэн “бөөрлөж”
байна гэж сошиал ертөнцөөр өмөөрөгсдийн эсрэг АТГ, ТЕГ ажлаа хийж байна
гэж хамгаалах хүн ч байна.
Ямар ч байсан түүний “хүргэн дүү” Г.Дэнзэнг албан тушаалаа урвуулан
ашигласан хэргээр АТГ баривчилж хорих хугацааг нь хоёр сараар сунгасан
юм.