АНУ-д түр гэрээгээр ажиллах Н-2 төрлийн визтэй холбоотойгоор манай улсаас тавьсан асуудлыг Вашингтон хотноо хэлэлцэж байгаа юм байна. Монгол Улсын иргэдийг “Н-2” визэнд хамруулах хүсэлтийг Монголын Засгийн газар тавиад байгаа билээ. Хүсэлтийг Монгол Улс дахь АНУ-ын ЭСЯ дэмжиж Төрийн департаментад хүргүүлсэн тухай өмнө нь мэдээлж байсан. “Н-2” визтэй холбоотойгоор Монгол Улсын талаас тавьсан хүсэлттэй холбоотой тодорхой шийдвэр хараахан гараагүй ч хэлэцэх шатандаа явж байгаа ажээ. Асуудал нааштайгаар шийдэгдвэл монголчууд тодорхой хугацаанд АНУ-д гэрээгээр ажиллах боломж нээгдэх юм.