Монголын Эвангелийн эвсэл, Монголын пастор
ахлагчдын холбооноос Мүүнизм урсгал нь Христийн шашинтай
огт холбоогүй гэж мэдэгдлээ. Мөн
сүүлийн үед
христэд итгэгчдийн нэр хүндэд санаатай болон санамсаргүйгээр
халдаж хэвлэл мэдээллийн хэрэгслээр мүүнизмийн тухай мэдээлэл түгээхдээ,
христэд итгэгчдийн гэрэл зургийг ашиглаж байгаа нь зүйд
нийцэхгүй гэв. Мүүнизм болон өөр бусад гаж
урсгалуудад, танихгүй хүнтэй гэр бүл болгох, нийгмээс тусгаарлах, гэр бүлтэй нь
уулзуулахгүй байх зэргийг шаарддаг.
Харин христийн шашин эсрэгээрээ гэв. Монголын Эвангелийн эвсэл нь шашны
гаж урсгалаас итгэгчдээ хамгаалах, олон нийтэд христийн номлолыг хүргэх,
бэхжүүлэх чиглэлээр үйл ажиллагаа явуулдаг байгууллага хэмээсэн юм.