2020 оны 9 дүгээр сарын 17-ний өлзийт сайн өдөр МУИС-ийн төв номын санд Монгол Улсын Гавьяат багш, шинжлэх ухааны доктор, эмерит профессор Э.Равдан багшийн “Орчин цагийн хэл шинжлэл’’ 5 боть номын баяр боллоо. Уг номын баярыг Э.Равдан багшийн үе үеийн шавь нар болон МУИС-ийн ШУС-ийн Европ судлалын тэнхимээс санаачлан зохион байгуулсан юм.
Номын баярт академич С.Чулуун, сургалт оюутан хариуцсан дэд захирал д-р проф Бадмаанямбуу, ШУС-ийн захирал Д. Заяа,, академич Д.Төмөртогоо, доктор, профессор
С.Дулам, академич Болд, МУБИС-аас ШУ-ы доктор, профессор Ц.Өнөрбаян ХШТ-ийн эрхлэгч др проф Баттөгс д-р проф Эрдэнэмаа, ШУ-ы доктор, профессор Ц.Шагдарсүрэн, МУИС-ийн эмерит проф Тэрбиш, МУСГЗ орчуулагч Аким, Монгол улсын гавьяат багш д-р проф Маналжав, доктор, профессор Базаррагчаа, СУИС СС-ийн захирал Сүхбат, МУСГЗ зохиолч Саруулбуян, ШУ-ы д-р проф. Г.Сумъяабаатар, доктор, профессор Баясах, МУИС ШУС-ийн дэд захирал Дэлгэржаргал, доктор, профессор Самбуудорж, Монгол улсын гавьяат багш доктор, профессор Г.Буяннэмэх зэрэг эрдэмтэн судлаачид, бусад их дээд сургуулийн оюутанбагш, магистрант, докторантууд оролцжээ.
Монгол Улсын Гавьяат багш, шинжлэх ухааны доктор, профессор Э.Равдан Монгол Улсын боловсролын байгууллагад 50 шахам жил ажиллахдаа орчин цагийн хэл шинжлэлийн онолын цуврал сурах бичиг туурвин, монгол газар нутгийн нэрийн цогц судалгааг хийж, гадаад хэл сургалтын технологийг боловсронгуй болгоход хүч хөдөлмөрөө зориулсан эрхэм хүндэт эрдэмтэн багш билээ. Профессор Э.Равдангийн ерөнхий хэл шинжлэлийн салбарт бүтээсэн “Бүтэц хэл шинжлэл” (УБ, 2001), “Хэл шинжлэлийн түүхийн товчоон” (УБ, 2005), “Орчин цагийн хэл шинжлэлийн үүд” (УБ, 2006), “Орчин цагийн хэл шинжлэл” (УБ, 2007), “Хэл шинжлэлийн утгазүй” (УБ, 2009), “Хэрэглээний хэл шинжлэл: Хэл сурахуйн онол” (УБ, 2014) ном сурах бичгүүд нь хэл бичгийн ухаанаар мэргэшиж буй оюутан, магистрант, докторантын гарын авлага, ширээний ном болон эдүгээ өргөн хэрэглэгдэж байна.
Т.Анударь. А. Сүрлэгмаа