МУГЖ, дуучин С.Жавхлан “Хамаг Монгол” төслийнхөө хамт олонтой Дорнод аймгийн Баян-Уул суманд гарсан түймрийн голомтод ажиллаж байгаа ажээ. Эх орон, ард түмэн, аав ээжийн тухай аялгуут сайхан дуугаа түмэндээ хүргэдэг дуучин С.Жавхлан энэ удаа эх орноо гал түймрийн аюулаас хамгаалах их үйл хэрэгт гар бие оролцож яваа нь энэ аж. Тус төслийн 16 залуу өчигдөр Баян-Уул сумын удирдлага хамт олонд хандивын зүйлсээ хүлээлгэн өгсний дараа галын цэг рүү хөдөлжээ. Байдал хүнд байгаа тул хүн бүрийг түймрийн эсрэг хүчээ өгөхийг залуус уриалж “Бидэнд нэмэлт хүч хэрэгтэй байна” хэмээн фэйж хуудастаа бичиж үлдээсэн байна.
