Монгол Улсын гавьяат жүжигчин, дуучин Э.Амартүвшин ирэх 12 дугаар сард Ж.Вердийн “Набуко” дуурьт Испанийн нэрт дуурийн дуучин, маэстро Пласидо Доминготой ээлжлэн дуулахаар болжээ.
Энэхүү сонгодог дуурь 12 дугаар сарын 14,16-нд Испанийн хатан хаан Р.Софиягийн нэрэмжит Валенсиа дуурийн театрын тайзнаа эгшиглэх юм. Э.Амартүвшин удахгүй Италийн хамгийн эртний тайз болох Веронагийн задгай театрын тайзнаа Испанийн дуурийн дуучин Пласидо Домингогийн дуурийн урлагт хүчин зүтгэсэн 50 жилийн ойн томоохон ёслолын тоглолтод оролцох мэдээ байна.
Энэ сарын 21-нд болох тоглолтод дэлхийн дуурийн урлагийн ноён оргил Пласидо Доминго, Анна Нетребко нарын тэргүүлсэн дэлхийн шилдэг 80 гоцлол дуучин гурван сарын турш дуулах юм.