Монголын ҮЭ-ийн холбооны XXII дугаар их хурал энэ сарын 8,9-ний өдрүүдэд болно. Хурлаараа холбооны ерөнхийлөгчөө сонгох сонгууль болохоос гадна дүрэм, ирэх жилүүдэд хийх ажлын төлөвлөгөөгөө батлах юм. Энэ удаагийн МҮЭХ-ны ерөнхийлөгчид одоогийн дарга Х.Амгаланбаатар, Монголын эрүүл мэндийн ажилтны ҮЭ-ий хорооны дарга Б.Мягмар, МҮЭХ-ны гишүүн Б.Гэрэлмаа нар өрсөлдөхөөр мэдүүлжээ.
Б.Мягмарын хувьд Монголын эрүүл мэндийн ажилтны ҮЭ-ий даргаар 8 дах жилдээ ажиллаж байгаа бөгөөд үйлдвэрчний эвлэлийн байгууллагын анхан шат залуучуудын байгууллагаас эхлэн 16 жил ҮЭ-ийн байгууллагад ажиллаж байгаа аж. МҮЭ-ий хороод дундаа эрүүл мэндийн ажилтны ҮЭ-ий хороо нь хамгийн идэвхтэй үйл ажиллагаа явуулдагаараа онцлог юм. Б.Мягмарын хувьд эрүүл мэндийн салбар төдийгүй олон нийтийн дэмжлэгийг ихэд хүлэсэн шудрага үнэний ду хоолой болсон залуу манлайлагч гэдгээрээ хүлээн зөвшөөрөгдсөн нэгэн юм.
Х.Амгаланбаатарын хувьд өмнө нь МҮЭХ-ны санхүү хариуцаж ажиллаж байсан бөгөөд холбооны ерөнхийлөгчөөр 6 дах жилдээ ажиллаж байна. Түүний хувьд бүрэн эрхийн хугацаа нь дуссан боловч дүрмээ зөрчин одоо болтол ажиллаж байгаа аж. Х.Амгаланбаатар нь сүүлийн арваад ажил ҮЭ-ий байгууллагад ажиллаж байна.
С.Гэрэлмаа нь ҮЭ-ий байгууллагад олон жил ажиллаж байгаа, холбооны ерөнхий нягтлан бодогчоор ажиллаж байгаад ажлаасаа халагдан Альфа зочид буудалд нягтлангаар ажиллаж байгаа аж. Одоогоор байгууллагын дотоод нууцыг задруулсан үндэслэлээр ажлаасаа халагдсан гэх мэдээлэл байна. Түүний хувьд МҮЭХ-ны санхүүгийн ноцтой баримтуудыг олон нийтэд дэлгээд буй.