2017 оны 12 дугаар сар нь Оросын нийслэл Москва хотын түүхэн дэх “хамгийн харанхуй 12 дугаар сар” болж өнгөрсөн тухай “Би-Би-Си” телевиз мэдээлэв.
Оросын цаг уурчид “Москвад өнгөрсөн оны 12 дугаар сард нар бараг огт үзэгдээгүй гэхэд болно. Москвачуудад нар ердөө зургаахан минут л үзэгдсэн. Өмнөх жилүүдэд 12 дугаар сард хэдэн арван цагийн нар үздэг байсан” гэжээ. Өнгөрсөн сард цаг агаарын байдал хэвийн бус байсан нь “Атлантын далайгаас ирсэн дулаан агаарын асар том урсгалын нөлөө” гэж Оросын Цаг уурын газрын захирал Роман Вильфанд үзэж байна.Үүнээс өмнө Москвад “хамгийн харанхуй 12 дугаар сар” 2000 онд бүртгэгдэж байжээ. Тодруулбал, 2000 оны 12 дугаар сарын турш тус хотод ердөө гуравхан цаг нар үзэгдэж байсан гэнэ.