ОХУ-д тавдугаар сарын 9-нд Ялалтын баярыг тэмдэглэж, цэргийн парад болдог билээ. Энэ жилийн баярын жагсаалд манай улсын цэргийн бие бүрэлдэхүүн анх удаа оролцох гэж байна. Өнөөдөр Ерөнхийлөгчийн тамгын газрын дарга П.Цагаан, Батлах хамгаалахын сайд Ц.Цолмон, Гадаад харилцааны сайд Л.Пүрэвсүрэн болон бусад албаны хүмүүс ОХУ-д баярын жагсаалд оролцох бие бүрэлдэхүүний бэлтгэл ажилтай танилцав.Тэд “Улаан талбайд алхах дайчдад монгол цэргийн нэр хvндийг дэлхийн тvвшинд vнэлvvлэх тул бэлтгэлээ маш сайн хангах ёстой” гэдгийг сануулж, үлдсэн хугацаанд улам чамбайруулахыг захив.
Бие бүрэлдэхүүнд 75 цэргийн албан хаагч байгаагийн 63 нь зэвсэгт хүчнээс, 12 нь Хилийн цэргийн алба хаагч байгаа аж. Тэдний 45 нь офицер, 25 нь ахлагч, тав нь хугацаат цэргийн алба хаагч бөгөөд ихэнх нь орос, англи, герман, солонгос хэлний зохих мэдлэгтэй юм байна.
Эх орны дайны ялалтын 70 жилийн баярын жагсаалд ОХУ-ын Москва хотын Улаан талбайд 14 мянган цэргийн алба хаагч, 194 нэгж хуягт техник, 150 онгоц, нисдэг тэрэг оролцохоор төлөвлөжээ. 
