Монголын Сайтын Холбоо, Монголын Сэтгүүлчдийн Нэгдсэн Эвлэлээс санаачлан төрийн ордонд зохион байгуулсан “Монголын цахим сэтгүүл зүйн анхдугаар форум” төрийн ордонд үргэлжилж байна. Форумын үеэр ШӨХТГ-ын дарга Т.Аюурсайхан “Цахим орчин дахь зар сурталчилгааны зохицуулалт” сэдвээр илтгэл тавьсан юм. Тэрээр илтгэлдээ архи согтууруулах ундаа сурталчилсан, сайтын эх код буюу source-ийг хуулбарласан, бусдын барааны тэмдгийг зөвшөөрөлгүйгээр ашигласан, эрүүл мэндийн бараа үйлчилгээг вэб сайтуудаар сурталчлахдаа сурталчилгааныхаа агуулгыг Эрүүл мэндийн яамаар хянуулж, зөвшөөрөл аваагүй, зарим нэрийн эм, биологийн идэвхит бүтээгдэхүүнүүдийг тусгай зөвшөөрөлгүй, холбогдох бичиг баримтгүйгээр сурталчилж, худалдаалж байсан зэрэг хууль зөрчсөн үйдлүүдийг таслан зогсоож хуульд заасан арга хэмжээг авч ажиллаж байгаа гэлээ. Мөн бусдын утасны дугаарыг тавьж нэр төр, алдар хүндэд халдах мэдээллүүд байршуулсан, телевизийн өргөн нэвтрүүлгийн үйлчилгээ эрхлэгчдийн бүтээлийг хэрэглэгчдэд хүргэхдээ төлбөр авч байсан хууль бус тохиолдлуудыг таслан зогсоосноо ч дурдаж байлаа.