Монголын Сайтын Холбоо хоёр жил тутамд нэгдсэн чуулганаа зохион байгуулж, удирдах зөвлөл, хяналтын зөвлөлөө шинэчлэн сонгодог.
2015 оны нэгдүгээр сард болсон II чуулганаар Удирдах зөвлөлийн 21 гишүүнд өөрчлөлт оруулж, шинэчлэгдсэн Удирдах зөвлөлөөсөө breakingnews.mn сайтын захирал Х.Мандахбаярыг ерөнхийлөгчөөр сонгож ажиллуулжээ.
Удирдах зөвлөлийн бүрэн эрхийн хугацаан дахь сүүлийн Удирдах зөвлөлийн хурал өчигдөр /01.05-нд/ болж, Монголын сайтын холбооны III чуулганы товыг энэ сарын 7-ны өдрийн 14:00 цагаас зохион байгуулах шийдвэр гарч, чуулган зохион байгуулах ажлын хэсгийг байгуулжээ. Ингэснээр тус ажлын хэсэгт хгдох хүртэл түр шилжиж байгаа юм.
Чуулган зохион байгуулах ажлын хэсэг чуулганд оролцох гишүүн сайтуудыг бүртгэх, мандат олгох, чуулган зохион байгуулагдахад шаардагдах бэлтгэл ажлыг хангах юм. Монголын Сайтын Холбооны III чуулганд холбооны гишүүн сайт бүр нэг саналын эрхтэйгээр оролцон, Удирдах зөвлөлийн 21, Хяналтын зөвлөлийн 11 гишүүнийг хоёр жилийн хугацаатайгаар сонгох гэнэ.