Олон Улсын сагсан бөмбөгийн холбоо буюу FIBA-аас дэлхийн шигшээ багуудын чансааг шинэчлэн гаргалаа. Шинэчилсэн чансаагаар Монголын шигшээ баг дэлхийд 106, Азид 22-т бичигджээ.
Монголын шигшээ баг өнгөрсөн долоо хоногт FIBA-ын 2025 оны Азийн аварга шалгаруулах тэмцээний урьдчилсан нэгдүгээр шатны тоглолтоо хийсэн. Шигшээ баг Малайз, Таити, Вьетнамыг хожин Тайландад хожигдсоноор хэсгийн хоёрдугаар байраар дараагийн шатанд шалгараад байсан юм.
Улмаар 81.8 оноотойгоор Азийн чансаанд Малайз, Сингапур, Хонконг, Вьетнам, АНЭУ-ын дээр дэлхийн чансаанд Азербайжан, Ямайк, Өмнөд Африкийн дээр бичигдэв.
Харин манай улсын дээр Хондурас, Чад, Мальт, Конго зэрэг улс байрлажээ. Тайландын шигшээ баг 101.8 оноотой дэлхийн чансааны 92, Азийн 21-р байрыг эзэлсэн байна. /Чансааг дэлгэрэнгүй харах/
Дэлхийн чансаа:
Азийн чансаа:
